AI ажилтныг асаах
AI-гийн ерөнхий унтраалга, суваг бүрийн горим (Унтраах, Санал болгох, Автомат) ба турших арга.
Эхлэхийн өмнө
- AI ажилтан
- Messenger эсвэл Instagram суваг холбогдсон workspace
- Идэвхтэй багц
- Бөглөсөн мэдлэгийн сан (заавар)
AI хэзээ, аль сувагт хариулахыг та шийднэ. Ерөнхий унтраалгын одоогийн төлөв багцаас хамаарна: туршилт болон төлбөртэй багц идэвхжихэд асдаг, автоматаар олгогддог хамгийн доод шатанд унтраалттай ирдэг. Тиймээс эхлээд энд шалгана.
Алхмууд
Туршиж үзэх
AI ажилтны Турших табд харилцагчийн оронд асуулт бичиж хариултыг шалгана. Энэ яриа бодит харилцагчид харагдахгүй.
Зан төлвөө тохируулах
Зан төлөв табд ботын зорилго, хэлэх өнгө аяс, дүрмүүдээ (жишээ нь «Хямдралыг өөрөө санал болгохгүй») бичнэ. Өөрчлөлт бүрийн өмнөх төлөв хадгалагддаг тул буцааж болно.
Ерөнхий унтраалгыг асаах
Ажиллуулах табын дээд хэсэгт AI-гийн ерөнхий унтраалга бий. Асаахад баталгаажуулах цонх гарна.
Суваг бүрийн горим сонгох
Мөн «Ажиллуулах» табын «Суваг бүрийн AI» хэсэгт суваг тус бүрд:
- Унтраах — AI хариулахгүй, та Inbox-оос гараар хариулна.
- Санал болгох — AI хариугаа ноорог болгож Inbox-д «AI санал» болгон өгнө; та батлах, засах эсвэл хаяна.
- Автомат — AI шууд хариулна.
Эхлэхдээ «Санал болгох»-оор хэд хоног ажиллуулж хариултыг нь шалгах нь найдвартай.
Өөрийн боттой бол «Гадаад бот» горимоор мессежийг өөрийн webhook руу дамжуулж болно — хөгжүүлэгчийн баримт.
Асуудал гарвал
- Бот огт хариулахгүй байна — дарааллаар нь шалгана: Messenger/Instagram холболт амьд эсэх (Сувгууд), багц идэвхтэй эсэх (Багц), ерөнхий унтраалга ба тухайн сувгийн горим, сарын хариултын лимит дүүрээгүй эсэх (Хэрэглээ).
- Нэг сувагт хариулж, нөгөөд хариулахгүй — горим суваг тус бүрд тусдаа; «Суваг бүрийн AI» хэсгийг шалгана.
- Лимит дүүрсэн — AI хариулт зогсох ч мессеж Inbox-д ирсээр, та гараар хариулж чадна.
Энэ заавар тусалсан уу?